زمان خطرت عليا في بداية التسعينات لما كان فيه حظر علي ليبيا وكان لما تطلع جوز السفر الليبي يحطوك في سين وجيم. عمومًا مرة في مطار تورونتو على مااعتقد، وكنت نبي نروحوا لليبيا بشكل مستعجل بعد مامرض والدي الله يرحمه، ولكن في المطار اضطرينا نغيروا مسار الرحلة للمرور بإحدى الدول الأوروبية نتيجة الحظر (اعتقد امستردام أو لندن..)، عمومًا كنت شبه متأكد بأنه كل دولة تطلب من الليبيين تأشيرة مرور حتى ولو كنت "ترانزيت"...عمومًا الموظفة تقرأ في الجواز وغلطت في الجنسية وقالت "Lebanese" بدلًا من. "Libyan" ....طبعًا أنا فطنت أنها غلطت ولكن فرحت لأنها غلطت ولكن قلت لنفسي ولزوجتي "الحمد لله تحسابنا لبنانيين وليس ليبيين" وكنت على قناعة بأن وضع الليبيين سيء جدًا مع الخطوط والتأشيرات....عمومًا الجماعة حنطرونا في المطار لمراجعة الجوازات ومكاتب الخطوط وخيك حابس نفسي خايف يكتشفوا أني ليبي ويقولولي مافيش سفر...وبعدين في نهاية المطاف، بعد أكثر من ساعة من الانتظار جت الموظفة ومعاها موظفة اخرى من الجوازات أو الخطوط وسألوني، هل أنت ليبي أو لبناني؟ عمومًا بعد ماصار الزر، قلت لها نعم ليبي، وبعدين الموظفات بحتن في بعضهن وتنفسن الصعداء، وقالت لها هذا ماعندش مشكلة ومايحتاجش تأشيرة مرور، الأمر فقط للبنانيين، وبعدها مشت الأمور تمام التمام....قلت لزوجتي بعدها ثاريت اللبنانيين أحيانًا وضعهم أسوأ منا....😀😀